दलित पँथर ५४ वा वर्धापन दिना निमित्त पुण्यात भरगच्च कार्यक्रमाचे आयोजन

दलित पॅंथरच्या  54 व्या वर्धापन दिनानिमित्त 13 जुलै 2026 रोजी सायं 4 वाजता भरगच्च कार्यक्रमाचे आयोजन पुण्यातील बालगंधर्व रंगमंदिर येथे करण्यात आले आहे. या कार्यक्रमाचे प्रमुख पाहुणे म्हणून केंद्रीय राज्यमंत्री मुरलीधर मोहोळ उपस्थित राहणार आहेत. यावेळी विधान परिषदेचे अध्यक्ष  राहुल नार्वेकर,कॅबिनेट मंत्री चंद्रकांत दादा पाटील,राज्यमंत्री माधुरी मिसाळ, राज्यसभेच्या खासदार ज्योती वाघमारे   , पुणे कॅन्टोन्मेंट चे आमदार सुनील कांबळे, माजी राज्यमंत्री विश्वजीत कदम, कसबा विधानसभेचे आमदार हेमंत रासने शिवाजीनगर विधानसभा मतदार संघाचे आमदार सिद्धार्थ शिरोळे  आदी प्रमुख मान्यवरांची उपस्थिती कार्यक्रमात असणार आहे,अशी माहिती पत्रकार परिषदेत दलित पॅंथरचे राष्ट्रीय अध्यक्ष यशवंत भाऊ नडगम यांनी दिली. या दलित पॅंथरच्या वर्धापन दिनाच्या विस्तृत माहिती देण्यासाठी पुण्यात पत्रकार परिषदेचे आयोजन करण्यात आले होते. या पत्रकार परिषदेस दलित पॅंथर चे केंद्रीय उपाध्यक्ष श्रीकांत लोणारे, प्रदेशाध्यक्ष  संतोष गायकवाड, पुणे जिल्हाध्यक्ष मिलिंद सरवडे, पुणे शहर अध्यक्ष आकाश पायाळ,जनसंपर्कप्रमुख बंडू गवळी आदी दलित पॅंथर चे पदाधिकारी उपस्थित होते.

.  यावेळी बोलताना  यशवंत म्हणाले की, १९७२ साली अन्याय, अत्याचार आणि विषमतेविरुद्ध विद्रोहाची मशाल पेटवणाऱ्या दलित पँथर या लढाऊ चळवळीचा ५४ वा वर्धापन दिन आम्ही मोठ्या उत्साहात साजरा करीत आहोत.

या ऐतिहासिक सोहळ्यानिमित्त आपण सर्वांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन  दलित पॅंथर चे राष्ट्रीय अध्यक्ष यशवंत नडगम यांनी केले .

 या कार्यक्रमात पुण्याच्या महापौर  मंजुषा नागपूरे यांचा भव्य नागरी सत्कार पुणेकरांच्या वतीने करण्यात येणार आहे. तसेच यावेळी पॅंथर रत्न पुरस्काराने  पुण्याचे उपमहापौर परशुराम वाडेकर यांना मान्यवरांच्या हस्ते गौरवण्यात येणार आहे.

 तसेच पुणे महानगरपालिकेचे आयुक्त नवल किशोर राम पुणे शहराचे पोलीस आयुक्त अमितेश कुमार, पुणे वाहतूक विभाग उपायुक्त संदीप भाजीभाकरे, पुणे वाहतूक विभाग सह आयुक्त मनोज पाटील, महाराष्ट्र राज्याचे माजी राज्यमंत्री रमेश बागवे आदी 54 सन्माननीय मान्यवरांना  पॅंथरत्न पुरस्काराने मान्यवरांच्या हस्ते गौरवण्यात येणार आहे.याबरोबरच देऊळबंद 2 चित्रपटाचे अभिनेते व दिग्दर्शक प्रवीण तरडे व अभिनेते रमेश परदेशी यांचाही यावेळी मान्यवरांच्या  उपस्थितीत जाहीर नागरिक सत्कार करण्यात येणार आहे.

 तसेच यावेळी विविध  मान्यवरांचे मार्गदर्शन उपस्थितांना लाभणार आहे.विद्रोही कवी नितीन चंदनशिवे यांचे जाज्वल्य व्याख्यान यावेळी आयोजित करण्यात आले आहे.त्याचबरोबर यावेळी सांस्कृतिक कार्यक्रम व भव्य ऑर्केस्ट्राचे आयोजनही करण्यात आले आहे. त्याचबरोबर   तरी पुणेकरांनी व पॅंथर प्रेमींनी या कार्यक्रमास जास्तीत जास्त संख्येने उपस्थित राहून कार्यक्रमाची शोभा वाढवावी असे आवाहन संयोजकांकडून करण्यात आले आहे