आपलं मराठी

चिखली: अनुराधा अर्बन बँकेची २७वी आमसभा आज मतदारसंघात उत्साहपूर्ण वातावरणात संपन्न झाली. या आमसभेला मतदारसंघातील विविध गावांमधून भागधारक, हितचिंतक, कार्यकर्ते तसेच नागरिक मोठ्या संख्येने उपस्थित राहिले. आमसभेचे आयोजन राहुल बोंद्रे यांच्या पुढाकाराने करण्यात आले. कार्यक्रमाला विविध क्षेत्रांत कार्यरत असलेल्या तसेच विविध राजकीय पक्षांशी संबंधित मान्यवरांची उपस्थिती लाभली. यावेळी नवनिर्वाचित जिल्हा बँकेचे अध्यक्ष राजेंद्र शिंगणे राजाभाऊ जाधव आणि मनोज दांडगे यांच्यासह मतदारसंघातील विविध मान्यवर उपस्थित होते. मान्यवरांच्या उपस्थितीमुळे कार्यक्रमाला विशेष महत्त्व प्राप्त झाले. मतदारसंघातील प्रत्येक गावातून नागरिकांनी मोठ्या संख्येने उपस्थित राहून आमसभेत सहभाग नोंदवला. उपस्थित भागधारक व नागरिकांनी व्यक्त केलेला उत्स्फूर्त प्रतिसाद, आपुलकी आणि सहभाग यामुळे कार्यक्रमाचे वातावरण उत्साहपूर्ण झाले. आमसभेला उपस्थित राहून सहकार्य करणाऱ्या सर्व भागधारक, हितचिंतक, कार्यकर्ते, नागरिक तसेच मान्यवरांचे राहुल बोंद्रे यांनी मनःपूर्वक आभार मानले. “आपण सर्वांनी व्यक्त केलेला स्नेह, विश्वास...

ही नॉन-इन्व्हेसिव्ह म्हणजेच शस्त्रक्रियेशिवाय केली जाणारी प्रकाशाधारित थेरपी असून, त्वचेच्या काही विशिष्ट समस्या, विविध उपचारांनंतरची त्वचेची पुनर्प्राप्ती तसेच वेदना व्यवस्थापनासाठी तिचा वापर केला जात आहे. पुणे, 16 सप्टेंबर 2026: पुण्यातील Aesthetics Medispa येथे Celluma LED थेरपीची सुरुवात करण्यात आली आहे. ही नॉन-इन्व्हेसिव्ह प्रकाशाधारित उपचारपद्धती असून, त्वचेच्या काही विशिष्ट समस्या, उपचारांनंतरची पुनर्प्राप्ती आणि वेदना व्यवस्थापनासाठी तिचा वापर केला जातो. Aesthetics Medispa येथे डॉ. शीतल जालोरी यांच्या क्लिनिकल मार्गदर्शनाखाली आयोजित करण्यात आलेल्या कार्यक्रमात ही थेरपी अधिकृतपणे सादर करण्यात आली. या थेरपीमध्ये निळा, लाल आणि निअर-इन्फ्रारेड अशा तीन वेगवेगळ्या तरंगलांबींच्या प्रकाशाचा वापर केला जातो. प्रत्येक प्रकाशाची उपचारात्मक भूमिका वेगळी आहे. निळ्या प्रकाशाचा मुख्यतः मुरुमांसाठी वापर केला जातो, तर लाल प्रकाश त्वचेचे पुनरुज्जीवन आणि त्वचेची पुनर्प्राप्ती यासाठी उपयुक्त ठरतो. निअर-इन्फ्रारेड प्रकाश त्वचेच्या अधिक खोल थरांपर्यंत पोहोचतो आणि वेदना व्यवस्थापन तसेच रिक...

पुणे : श्री भगवान वराह जयंतीनिमित्त सकल हिंदू समाज, पुणे यांच्या वतीने १३ सप्टेंबर २०२६ रोजी पुण्यात धार्मिक व सामाजिक उत्साहात भव्य मिरवणुकीचे आयोजन करण्यात आले आहे. या मिरवणुकीची सुरुवात सकाळी ११ वाजता होणार असून दुपारी २ वाजेपर्यंत मिरवणूक काढण्यात येणार आहे. कस्तुरे चौक ते श्री बालाजी मंदिर, भवानी पेठ असा मिरवणुकीचा मार्ग आहे. अशी माहिती सामाजिक व राजकीय विश्लेषक सर्वेश मेहेंदळे आणि युवा शेतकरी संघ, महाराष्ट्र राज्याचे संस्थापक अध्यक्ष रोहिदास बापू चोरघे यांनी पत्रकार परिषदेत दिली.  भगवान विष्णूंच्या वराह अवताराची कथा पृथ्वीच्या संरक्षणाशी जोडली जाते. हिरण्याक्षाने पृथ्वीला समुद्रात लपविल्यानंतर भगवान विष्णूंनी वराह रूप धारण करून पृथ्वीचे रक्षण केल्याचे पौराणिक कथेत सांगितले आहे. या पार्श्वभूमीवर वराह जयंतीच्या माध्यमातून पृथ्वी संरक्षण, पर्यावरण संवर्धन आणि भूमीच्या महत्त्वाचा संदेश देण्यात येत आहे. सध्याच्या काळात वाढते प्रदूषण, जंगलतोड आणि जागतिक तापमानवाढीमुळे पृथ्वीसमोर निर्माण झालेल्या संकटाकडेही या सोहळ्याच्या माध्यमातून लक्ष वेधण्यात आले आहे. पृथ्वीचे संरक्ष...

लेखक-दिग्दर्शक दिग्पाल लांजेकर यांच्या बहुप्रतिक्षित ‘दर्याभवानी’ चित्रपटाचा मुहूर्त एका अनोख्या आणि भावनिक क्षणाने पार पडला. शुभारंभाच्या प्रसंगी दिग्पाल लांजेकर यांनी पारंपरिक पद्धतीने गाऱ्हाणं घालत चित्रपटाच्या यशासोबतच ‘दर्याभवानी’शी जोडलेल्या प्रत्येक कलाकार, तंत्रज्ञ आणि टीम सदस्याच्या सुख-समाधानासाठी मनापासून प्रार्थना केली. या गाऱ्हाण्यात चित्रपटाच्या निर्मितीसाठी पडद्यामागे आणि पडद्यावर मेहनत घेणाऱ्या प्रत्येक व्यक्तीचे आभार मानण्यात आले. संपूर्ण टीमच्या कल्याणासाठी केलेल्या या प्रार्थनेमुळे ‘दर्याभवानी’ चित्रपटाचा मुहूर्त केवळ चित्रपटाच्या शुभारंभाचा सोहळा न राहता, एकजूट, कृतज्ञता आणि आपुलकीचा सुंदर क्षण ठरला. ‘दर्याभवानी’ हा केवळ एक ऐतिहासिक चित्रपट नसून, छत्रपती शिवाजी महाराजांच्या दूरदर्शी सागरी धोरणाला आणि मराठी आरमाराच्या अद्वितीय पराक्रमाला मोठ्या पडद्यावर साकार करणारा महत्त्वाकांक्षी प्रकल्प आहे. या भव्य ऐतिहासिक प्रवासाची सुरुवात करताना दिग्पाल लांजेकर यांनी आपल्या संपूर्ण टीमलाच या शुभारंभाच्या केंद्रस्थानी ठेवत केलेली प्रार्थना विशेष लक्षवेधी ठरली. लेखक-...

पुणे, ८ सप्टेंबर २०२६: राज्यातील व्यावसायिक शिक्षक आणि कोचिंग क्लासेसचे प्रतिनिधित्व करणाऱ्या सर्वांत जुन्या आणि मोठ्या संघटनांपैकी एक असलेल्या प्रोफेशनल टीचर्स असोसिएशन ऑफ महाराष्ट्र (पीटीएएम) ने प्रस्तावित महाराष्ट्र खासगी कोचिंग केंद्रे नोंदणी व नियमन कायद्यातील तरतुदींचा फेरविचार करून कायदा अंतिम करण्यापूर्वी राज्य सरकारने संबंधित घटकांशी अर्थपूर्ण संवाद साधावा, अशी मागणी मंगळवारी येथे केली. शहरात आज झालेल्या पत्रकार परिषदेत पीटीएएम चे अध्यक्ष डॉ. प्रशांत कुलकर्णी यांनी संघटनेची भूमिका स्पष्ट केली. ते म्हणाले, संघटनेचा योग्य, संतुलित आणि पारदर्शक नियमनाला पाठिंबा आहे; मात्र कोचिंग संस्थांवर अवाजवी अनुपालनाचा बोजा टाकणाऱ्या तसेच मनमानी प्रशासकीय कारवाईला वाव देणाऱ्या तरतुदींना संघटनेचा विरोध आहे. या वेळी पीटीएएमचे सचिव डॉ. नितीन कदम, माजी अध्यक्ष विजय पवार, माजी सचिव हनुमंत भोसले, कार्याध्यक्ष प्रल्हाद दौंड आणि पुणे कोअर कमिटी सदस्य दुर्गेश मंगेशकर उपस्थित होते. या कायद्या संदर्भात मुंबई उच्च न्यायालयाच्या संभाजीनगर खंडपीठामध्ये पीटीएएमच्या वतीने श्री विजयराव पवार, श्री ...