आपलं मराठी

अखिल भारतीय मराठी चित्रपट महामंडळाच्या २०२६ ते २०३१ या पंचवार्षिक कार्यकाळासाठी झालेल्या निवडणुकीत निर्माता मेघराज राजेभोसले यांच्या नेतृत्वाखालील समर्थ पॅनेलने एकहाती विजय मिळवत वर्चस्व कायम राखले आहे. थेट निवडणुकीसाठी झालेल्या १४ जागांपैकी सर्व १४ जागांवर समर्थ पॅनेलचे उमेदवार विजयी झाले, तर विरोधी चित्रकर्मी पॅनेलला एकही जागा मिळवता आली नाही. महामंडळाच्या एकूण १७ जागांपैकी तीन जागा बिनविरोध निवडून आल्या होत्या. उर्वरित १४ जागांसाठी झालेल्या मतदानात सभासदांनी समर्थ पॅनेलच्या बाजूने स्पष्ट कौल दिला. *समर्थ पॅनेलचे विजयी उमेदवार* निर्माता विभागातून मेघराज राजेभोसले (९५१ मते) आणि सुनील महाजन (७८६ मते) विजयी झाले. दिग्दर्शक विभागातून दीपक कदम (८४६ मते) आणि अजित शिरोळे (७५६ मते) यांनी विजय मिळवला. लेखक विभागातून राज काजी (८५० मते), अभिनेता विभागातून सुशांत शेलार (८९१ मते), छायाचित्रण विभागातून धनाजी यमकर (९५२ मते) , नृत्य दिग्दर्शन विभागातून सुभाष नकाशे (८९२ मते), ध्वनिमुद्रण विभागातून शरद चव्हाण (९७५ मते), कला दिग्दर्शन विभागातून प्रवीण पाटील (८८५ मते), रंगभूषा विभागातून चैत्...

एकल चित्र शिल्प प्रदर्शनाचे पुण्यातील बालगंधर्व कलादालन येथे 7 जून 2026 ते 9 जून 2026 पर्यंत आयोजन* पुणे -पुण्यातील सुप्रसिद्ध ज्येष्ठ चित्रकार व शिल्पकार महेंद्र साहेबराव वाघमारे यांच्या चित्र शिल्प कलाकृतींचे स्वयंभू या शिर्षाचे दुसरे एकल चित्र शिल्प प्रदर्शन पुण्यात सात जून 2026 ते 9 जून 2026 पर्यंत पुण्यातील बालगंधर्व कलादालन येथे सकाळी 11:30 ते रात्री 7:30 वाजेपर्यंत विनामूल्य आयोजित करण्यात आले आहे. या स्वयंभू एकल चित्र शिल्पाच्या प्रदर्शनाचे उद्घाटन पुणे महानगरपालिकेचे उपमहापौर परशुराम वाडेकर यांच्या हस्ते करण्यात आले. यावेळी कोहिनूर ग्रुपचे व खडकी शिक्षण संस्थेचे कृष्णकुमार गोयल, पुणे महानगरपालिकेचे माजी उपमहापौर डॉ.सिद्धार्थ धेंडे, पुणे महानगरपालिकेच्या माजी नगरसेविका नंदिनी सिद्धार्थ धेंडे, पुणे महानगरपालिकेचे माजी उपमहापौर प्रकाश मंत्री हे प्रमुख पाहुणे म्हणून उपस्थित होते. यावेळी सुप्रसिद्ध ज्येष्ठ चित्रकार व शिल्पकार महेंद्र वाघमारे, श्रीजीत वाघमारे,कुशल वाघमारे उपस्थित होते. या प्रदर्शनास प्रसिद्ध चित्रकार मुरली लाहोटी व प्रसिद्ध शिल्पकार विवेक खटावकर यांनी...