आपलं मराठी

पुणे, ३० जुलै २०२५ - शिक्षणतपस्वी पदमभूषण डॉ. शां. ब. मुजुमदार यांच्या शैक्षणिक योगदानाबद्दल त्यांच्या नव्वदाव्या वाढदिवसानिमित्त सी.पी राधाकृष्णन, राज्यपाल, महाराष्ट्र यांच्या हस्ते विशेष सत्कार करण्यात आला व 'ज्ञानपर्व' या विशेषांकाचे प्रकाशनन करण्यात आले. हा कार्यक्रम सिंबोयसिस विश्वभवन हॉल, सेनापती बापट रोड, छत्रपती शिवाजीनगर, पुणे येथे घेण्यात आला.  या वेळी प्रमुख उपस्थिती - सी.पी राधाकृष्णन, राज्यपाल, महाराष्ट्र; शाहू छत्रपती महाराज खासदार, कोल्हापूर; अभिजीत पवार व्यवस्थापकीय संचालक, सकाळ माध्यम समूह; सम्राट फडणीस, संपादक, सकाळ माध्यम समूह; प्रशांत नादनवरे; अंकित काणे; संजीवनी मुजुमदार; डॉ. स्वाती. एस. मुजुमदार,प्रधान संचालक, सिंबायोसिस ओपन एज्युकेशन सोसायटी; डॉ. विद्या येरवडेकर,प्रधान संचालक, सिंबायोसिस हे उपस्थित होते.  स्वागत पर भाषणात सम्राट फडणीस म्हणाले," डॉ. शां. ब. मुजुमदार सरांचा हा प्रवास एक पर्वच म्हणावा लागेल, एक व्यक्ती आणि संस्थेची एकरूपता हि डॉ. मुजुमदार सरांमध्ये अनोखी आहे, "वसुधैव कुटुंबकम" हि संकल्पना त्यांनी जगत खुपच उत्तम र...

मानवी पिढ्यांना सर्वार्थाने सक्षम आणि प्रगत करण्यासाठी अत्याधुनिक शिक्षणाबरोबर चांगले संस्कार, सद्भावना, सदाचार, सद्विचार आवश्यक आहेत. त्यामुळे विद्यापीठांनी शिक्षणाबरोबर या सर्व बाबींनी युक्त विद्यार्थी घडविण्याचे आवाहन स्वामी स्वरूपानंद सरस्वती यांनी केले.  विज्ञान आणि अध्यात्म यांची सांगड घालून देशभरात विद्येचे प्रसारक कार्य हाती घेतलेले एमआयटीचे कुलपती डॉ. विश्वनाथ कराड यांना महाराष्ट्र कीर्ती सौरभ प्रतिष्ठानच्या वतीने चौथा "शिवशाहीर बाबासाहेब पुरंदरे पुरस्कार" स्वामीजींच्या हस्ते प्रदान करण्यात आला. त्याच प्रमाणे तरुण वयात इतिहास संशोधनाचा बाबासाहेबांचा वसा समर्थपणे पुढे चालवणारे डॉ. केदार फाळके यांना आदरणीय बाबासाहेबांच्या वडिलांच्या नावे दिली जाणारी "श्रीमंत मोरेश्वर बळवंत पुरंदरे शिष्यवृत्ती" प्रदान करण्यात आली. राष्ट्रीय स्वयंसेवक संघ पुणे महानगरचे संघचालक रवींद्र वंजारवाडकर यांच्या अध्यक्षतेखाली झालेल्या या कार्यक्रमात बाबासाहेबांचे पुत्र अमृत पुरंदरे, भारत इतिहास संशोधक मंडळाचे अध्यक्ष प्रदीप रावत, अभिषेक जाधव, विशाल सातव यांच्यासह अन्य मान्यव...

नेहमीच रुपेरी पडद्यावरील कलाकृतींच्या माध्यमातून इतिहासाची पाने उलगडण्याचा प्रयत्न केला जातो. अशा कलाकृती रसिकांना केवळ भूतकाळात नेत नाहीत, तर त्या काळातील वास्तवतेचे दर्शनही घडवतात. बऱ्याचदा त्या काळातील काही चांगल्या-वाईट घटना वर्तमानातील जीवन सुखकर बनवण्यासाठी उपयोगी ठरतात. काही मात्र मनाला चटका लावून जातात. पूर्वीची सती प्रथा आज बंद झाली तरी ती पडद्यावर पाहताना मनाची घालमेल झाल्याशिवाय राहात नाही. याच प्रथेवर आधारलेला 'सत्यभामा' हा मराठी चित्रपट ८ ऑगस्टला महाराष्ट्रभर प्रदर्शित होणार आहे. श्री साई सृष्टी फिल्म्स एलएलपी प्रस्तुत 'सत्यभामा' या चित्रपटाची निर्मिती मनीषा पेखळे, सारंग मनोज, अंकुर सचदेव आणि वीरल दवे यांनी केली आहे. 'सत्यभामा'चे दिग्दर्शन सारंग मनोज आणि अभिजीत झाडगावकर यांनी केले आहे. चित्रपटाची कथा, पटकथा आणि संवादलेखन मनीषा पेखळे यांनी केले आहे. प्रियकर-प्रेयेसीच्या प्रेमकथेसोबतच यात भाऊ-बहिणीच्याही प्रेमाची गोष्टही आहे. सतीच्या प्रथेत कित्येक निरपराध स्त्रीयांचा बळी जात असल्याचे पाहून नायकाचे मन उद्वीग्न होते आणि त्याला जीवनाचा उद्दे...

पिंपरी: ‘पिंची’ हा पिंपरी -चिंचवड मधील महिलांचा सर्वात मोठा समूह आहे, यांनी आयोजित केलेला मंगळागौर व नागपंचमी स्नेहमेळावा मोठ्या जल्लोषात, उत्साही आणि पारंपरिक वातावरणात नुकताच पार पडला. या विशेष कार्यक्रमाला महाराष्ट्र विधान परिषदेच्या उपसभापती नीलम गोऱ्हे आणि राज्य महिला आयोगाच्या अध्यक्षा सौ. रुपालीताई चाकणकर यांची प्रमुख उपस्थिती लाभली.  या प्रसंगी पिंपरी-चिंचवड परिसरातील असंख्य महिलांनी मोठ्या संख्येने सहभाग घेतला.कार्यक्रमाचे आयोजन पिंचीच्या संस्थापक पूनम परदेशी यांच्या संकल्पनेतून करण्यात आले. पारंपरिक फुगड्या, झिम्मा, उखाणे, लोकनृत्य आणि गाण्यांनी सजलेला हा स्नेहमेळावा हरवत चाललेल्या मंगळागौरीच्या परंपरेला नवसंजीवनी देणारा ठरला.    या कार्यक्रमात महिलांना संबोधन करतांना रुपाली चाकणकर म्हणाल्या, “हा स्नेहमेळावा केवळ एक मनोरंजनाचा कार्यक्रम नव्हता, तर स्त्रीशक्ती, आपुलकी आणि परंपरांचा सन्मान होता. 'पिंची'च्या या उपक्रमामुळे पारंपरिक खेळांना आणि सांस्कृतिक समृद्धतेला मिळालेला प्रतिसाद निश्चितच कौतुकास्पद आहे.” कार्यक्...

चिंचवड : कशिश सोशल फाउंडेशनच्या वतीने महिला आरोग्य जनजागृती करण्यासाठी ' ग्लॅम डॉक ' या डॉक्टरांच्या आगळ्या - वेगळ्या चॅरिटी फॅशन शो चे आयोजन करण्यात आले होते. सामाजिक बांधीलकीच्या जाणिवेतून घेण्यात आलेल्या या अनोख्या फॅशन शो मध्ये राज्याच्या विविध भागातून आलेल्या डॉक्टर्सनी सहभागी होत रॅम्प वॉक केला.  एलप्रो मॉल,चिंचवड येथे हा 'ग्लॅम डॉक' चॅरिटी फॅशन शो अतिशय उत्साहात संपन्न झाला.कशिश सोशल फाउंडेशनच्या या सामाजिक उपक्रमाला डॉक्टर्स चा उत्स्फूर्त प्रतिसाद मिळाल्याचे या चॅरिटी फॅशन शो मधून दिसून आले.या चॅरिटी फॅशन शोच्या माध्यमातून जमा झालेल्या निधीतून राज्याच्या दुर्गम भागातील महिलांना सॅनिटरी नॅपकिन्स वाटप करण्यात येणार आहेत.  याप्रसंगी कशिश सोशल फाउंडेशनचे अध्यक्ष,पुण्याचे पॅडमॅन योगेश पवार,आई फाउंडेशनच्या सई वढावकर,डॉ. निखिल गोसावी,दिपाली कांबळे,शो डायरेक्टर डॉ. रितू लोखंडे, डॉ श्रद्धा जवंजाळ, डॉ राहुल जवंजाळ, डॉ श्रद्धा जाधवर, डॉ सारिका इंगोळे, डॉ रसिका गोंधळे,पौर्णिमा लुणावत, लीना मोदी,पुणे सोशल ग्रुपचे स्वरूप रॉय,रिया चौहान,समीर गाडगीळ आदी मान्यवर उपस्...

पुणे, २२ जुलै २०२५ – कीस्टोन स्कूल ऑफ इंजिनिअरिंग, उद्योगाच्या भविष्यातील गरजा लक्षात घेऊन, DOMO Incorporation च्या सहकार्याने डेटा सायन्स सेंटर ऑफ एक्सलन्स ची स्थापना केली आहे. या केंद्राचे उद्घाटन आज उत्साहात संपन्न झाले. DOMO ही संस्था जगातील टॉप ५ डेटा सायन्स कंपन्यांपैकी एक असून, या केंद्रासाठी DOMO हा अधिकृत उद्योग भागीदार आहे. या उपक्रमांतर्गत कीस्टोनच्या विद्यार्थ्यांना डेटा सायन्सचे कौशल्य प्रशिक्षण, इंटर्नशिप, तसेच उद्योग आधारित प्रकल्पांवर काम करण्याची संधी मिळणार आहे, जे त्यांना उद्योगाच्या गरजेनुसार तयार करण्यात मदत करेल. उद्घाटनप्रसंगी अश्फाक शेख, डायरेक्टर DOMO इंडिया आणि कृष्णात पवार, DOMO चे प्रॉडक्ट एक्स्पर्ट उपस्थित होते. त्यांनी अभियांत्रिकी विद्यार्थ्यांसाठी डेटा सायन्समधील करिअरच्या संधींबाबत माहिती दिली आणि DOMO ची कार्यपद्धती समजावून सांगितली. या कार्यक्रमास प्रा. यशोधन सोमण, संस्थापक संचालक, डॉ. संदीप कदम, प्राचार्य, अंकित लुनावत, सर्व विभागप्रमुख, प्राध्यापकवर्ग आणि विद्यार्थी मोठ्या संख्येने उपस्थित होते. डॉ. कदम यांनी कीस्टोनच्या उद्य...

मुंबईची जीवनवाहिनी असलेल्या लोकलच्या प्रवासात झालेल्या नजरानजरेपासून आयुष्य बदलणाऱ्या घटनेपर्यंतचा रंजक प्रवास "मुंबई लोकल" या चित्रपटातून उलगडणार आहे. नुकताच या चित्रपटाचा ट्रेलर लाँच सुप्रसिद्ध अभिनेता, निर्माता स्वप्निल जोशी यांच्या विशेष उपस्थितीत करण्यात आला."मुंबई लोकल" या चित्रपटाचं लेखन, दिग्दर्शन अभिजीत यांनी केलं आहे. बिग ब्रेन प्रॉडक्शन्स, आनंदी एंटरटेनमेंट आणि स्प्लेंडिड प्रॉडक्शन्सने या चित्रपटाची निर्मिती केली असून निलेश राठी, प्राची राऊत, सचिन अग्रवाल आणि तन्वी माहेश्वरी यांनी ‘मुंबई लोकल’ या चित्रपटाची निर्मिती केली आहे. तर त्र्यंबक डागा हे सहनिर्माते आहेत. प्रथमेश परब, ज्ञानदा रामतीर्थकर ही नवी फ्रेश जोडी प्रमुख भूमिकेत असलेला हा चित्रपट १ ऑगस्ट रोजी प्रदर्शित होत आहे. आयुष्यात प्रत्येक गोष्ट गमावत असलेली ती आणि  आयुष्यातली प्रत्येक लढाई हरत असलेला तो "मुंबई लोकल"च्या प्रवासात एकमेकांना पाहतात. तिथून त्यांची गोष्ट सुरू होते. या प्रवासातच त्यांच्या प्रेमकहाणीला हिरवा सिग्नल मिळतो. पण त्यांच्या आयुष्यात अस काय काय घडतं याची रंजक ...

पुणे दि.२६ जुलै पंतप्रधान मोदींनी पंतप्रधान पदाची सु ४०७८ दिवसांची कारकीर्द पुर्ण केल्याने, भाजप मुखपत्रातुन’ वाहवा करण्यात येत असून ‘शहीद पंतप्रधान’ इंदीराजींच्या हत्येवर, ‘त्यांच्या कारकिर्दीच्या दिवसांची’ तुलना पंतप्रघान मोदींच्या दिवसांशी करणे हे बौध्दीक दिवाळखोरी व विकृतीचे प्रदर्शन असल्याची प्रखर टिका काँग्रेस राज्य प्रवक्ते गोपाळदादा तिवारी यांनी केली. ते पुढे म्हणाले की, शहीद पंतप्रधान श्रीमती इंदीराजी गांधी यांच्या धोरणात्मक दृष्टीकोनांची व राजकीय मुत्सद्देगिरीच्या निर्णयांची तुलना मोदींच्या निर्णयांशी देखील होऊ शकत नसल्याची वास्तवता आहे तरी देखील काही वाहीन्यांनी प्रयत्न देखील केला परंतू तेथे ही ‘निर्णय, धोरणे व साध्य केलेल्या कामाचे बाबतीत’ मोदी कुठेही सरस ठरू शकले नाहीत. मात्र हत्त्या झाल्या मुळे शहीद झालेल्या पंतप्रधान श्रीमती इंदिरा गांधी यांच्या कारकिर्दीचा “कालावधी दिवस” मोदींनी मोडून काढल्याचे तुणतुणे भाजप नेते वाजवत असल्याने, राजकीय चढाओढीची उंची ‘कारकीर्दीच्या  दिवसांच्या संख्येवरून गाठल्याचा’ तोरा मिरवणारे आपल्या बौद्धिक दिवाळखोरीचे प्रदर्शन करीत असल...

पुणे :  लोकशाहीर आण्णाभाऊ साठे यांच्या १०५ व्या जयंतीनिमित्त, विश्वभूषण डॉ. बाबासाहेब आंबेडकर सांस्कृतिक महोत्सव समिती, पुणे यांच्या वतीने “साहित्यरत्न जीवन गौरव पुरस्कार २०२५” जाहीर करण्यात आला आहे. यंदाचा पुरस्कार ज्येष्ठ साहित्यिक, लेखक व पत्रकार अरुण खोरे यांना प्रदान करण्यात येणार आहे. अशी माहिती विश्वभूषण डॉ. बाबासाहेब आंबेडकर सांस्कृतिक महोत्सव समिती, पुणेचे अध्यक्ष परशुराम वाडेकर यांनी प्रसिद्धी पत्रकाद्वारे दिली. "साहित्यरत्न जीवन गौरव पुरस्कार २०२५"  हा पुरस्कार ज्येष्ठ साहित्यिक, माजी संमेलनाध्यक्ष डॉ. श्रीपाल सबनीस यांच्या हस्ते, सावित्रीबाई फुले पुणे विद्यापीठाचे अधिष्ठाता डॉ. विजय खरे यांच्या अध्यक्षतेखाली १ ऑगस्ट २०२५ रोजी सायंकाळी ७.०० वा. सम्यक विहार विकास केंद्र, बोपोडी, पुणे येथे प्रदान केला जाईल. या पुरस्काराचे स्वरूप स्मृतिचिन्ह, शाल, मानपत्र व रोख रु. ११०००/- असे आहे. याप्रसंगी पुण्याच्या माजी उपमहापौर सुनीता परशुराम वाडेकर यांची प्रमुख उपस्थिती असणार आहे. या पूर्वी विश्वभूषण डॉ. बाबासाहेब आंबेडकर सांस्कृतिक महोत्सव समिती, पुणेच्या...

पुणे: डीपीईएस संस्थेचे अध्यक्ष सागर ढोले पाटील यांच्या मार्गदर्शनाखाली टर्फ येथे सुब्रतो मुखर्जी फुटबॉल स्पर्धा यशस्वीरित्या पार पाडण्यात आली.  संस्थेच्या सचिव उमा ढोले पाटील, संचालक रौनक ढोले पाटील आणि माध्यमिक विभागाचे वरिष्ठ शिक्षण अधिकारी सुनंदा वखारे यांनी या उपक्रमासाठी विशेष प्रयत्न घेतले.  प्रशालेत अधिकाधिक खेळाडू आपल्या कौशल्यासह विकसित व्हावेत यासाठी सागर ढोले पाटील आणि संचालक मंडळाकडून अधिकाधिक प्रयत्न केले जात आहेत. त्याचे फळ म्हणून या शाळेतून अनेक राज्य व राष्ट्रीय स्तरावरील खेळाडू तयार होत आहेत.  जिल्हा क्रीडा अधिकारी जगन्नाथ लकडे यांनी देखील शाळेच्या या पुढाकाराचे कौतुक केले आहे.

पुणे: प्लास्टिक वाईट असल्याचे मत अयोग्य असून प्लास्टिक हे उपयोगी उत्पादन आहे. मात्र प्रदूषण नियंत्रणासाठी त्याचा पुनर्वापर आवश्यक आहे, असे प्रदूषण नियंत्रण मंडळाचे अध्यक्ष सिद्धेश कदम यांनी व्यक्त केले.  एन्व्हायरमेंटल क्लब ऑफ इंडिया आणि महाराष्ट्र प्रदूषण नियंत्रण मंडळाच्या वतीने दिल्या जाणाऱ्या पर्यावरण क्षेत्रातील ‘पर्यावरण जीवन गौरव’ ,’पर्यावरण भूषण’आणि ‘पर्यावरण गौरव’ पुरस्कारांचे वितरण महाराष्ट्र प्रदूषण नियंत्रण मंडळाचे अध्यक्ष सिद्धेश कदम आणि विश्वेश्वर बँकेचे उपाध्यक्ष राजेंद्र मिरजे यांच्या हस्ते करण्यात आले. यावेळी एन्व्हायरमेंटल क्लबचे अध्यक्ष आमोद घमंडे, सचिव गणेश शिरोडे आणि खजिनदार सचिन पाटील, पदाधिकारी,सदस्य आणि मान्यवर उपस्थित होते. या कार्यक्रमात पर्यावरणाच्या क्षेत्रात उल्लेखनीय कामगिरी केलेल्या गणपतराव पाटील यांना पर्यावरण ‘जीवनगौरव पुरस्कार’ तर  पद्मश्री डॉ. जी. डी. यादव यांना ‘पर्यावरण भूषण’ पुरस्कार प्रदान करून पुणेरी पगडी, उपरणे, मानपत्र आणि स्मृतिचिन्ह देऊन सन्मानित करण्यात आले. यावेळी बोलताना सिद्धेश कदम म्हणाले की, पर्यावरण संरक्षण क्षेत्र...

गॉडगिफ्ट एंटरटेन्टमेंट प्रा. लि. आणि एस. एन. प्रॉडक्शन्स निर्मित, तसेच तेजश्री अडिगे आणि नितीन वैद्य प्रॉडक्शन प्रस्तुत ‘बिन लग्नाची गोष्ट’ या आगामी चित्रपटाच्या हटके पोस्टर्समुळे प्रेक्षकांची उत्सुकता शिगेला पोहोचली आहे. प्रिया बापट आणि उमेश कामत यांच्या फ्रेश जोडीचं मोशन पोस्टर काही दिवसांपूर्वीच प्रदर्शित झालं होतं. त्याची चर्चा अजून थांबलेली नाही, तोच आता सोशल मीडियावर या चित्रपटाचं दुसरं पोस्टर झळकलं आहे. या मोशन पोस्टरनेही प्रेक्षकांच्या मनात प्रश्न निर्माण केले आहेत. आता दुसऱ्या पोस्टरमध्ये निवेदिता सराफ आणि गिरीश ओक या लोकप्रिय कलाकारांची जोडी दिसत आहे आणि तीही एका गंमतीशीर पद्धतीने ! मोशन पोस्टरमध्ये सोफ्यावर बसलेल्या निवेदिता सराफ यांच्या डोक्यावर मुंडावळ्या आहेत, परंतु चेहऱ्यावर नवरीसारखी लाजरीबुजरी नाही तर मिश्किल शांतता आहे. त्यांच्यामागे गिरीश ओक अत्यंत खुश चेहऱ्याने हात दाखवून काहीतरी सांगू पाहात आहेत. हे दृश्य पाहून एक कळतेय की, हे पारंपरिक जोडपं नाही परंतु, त्यांचं नातं मात्र पक्कं आहे! दिग्दर्शक आदित्य इंगळे म्हणतात, ''आजच्या पिढीला नात्यांबाबत स्प...

पुणे : कोंढवा बुद्रुक येथील श्रीपार्श्वनगर सोसायटीमध्ये राहणाऱ्या ७४ वर्षीय लीला राठोड या दिनांक २० जुलै रोजी संध्याकाळी ८:३९ वाजता बेपत्ता झाल्या असून, त्यांच्या कुटुंबीयांनी व महाराष्ट्र राज्य मिसिंग ग्रुपचे प्रमुख शिवाभाऊ पासलकर यांनी नागरिकांना मदतीचे आवाहन केले आहे. प्राथमिक माहितीनुसार, लीला राठोड या संध्याकाळच्या सुमारास गोकुळ हॉटेल, शांतीनगर, कोंढवा येथून बाहेर पडल्या होत्या. त्या वेळेस त्या कात्रज घाटाच्या दिशेने जाताना दिसल्याचे काही प्रत्यक्षदर्शींनी सांगितले आहे. मात्र, त्यानंतर त्या कुठेही आढळून आलेल्या नाहीत. या घटनेच्या पार्श्वभूमीवर मिसिंग ग्रुपचे शिवाभाऊ पासलकर यांच्या उपस्थितीत राठोड कुटुंबीयांनी पत्रकार परिषद घेऊन अधिक माहिती दिली. लीला राठोड यांचा मुलगा, मुलगी, मावस भाऊ आदींनी भावनिक शब्दांत नागरिकांना मदतीचे आवाहन केले. “आई गेल्या काही वर्षांपासून थोडी विस्मरणशक्तीच्या त्रासाने ग्रस्त होत्या. त्या घरीच राहत होत्या, मात्र त्या दिवशी अचानक बाहेर पडल्यावर परत आल्या नाहीत,” असे राठोड कुटुंबीयांनी सांगितले. शोधकार्य सुरू असून, लीला राठोड या कोठेही आढळून आल्य...

'सत्यभामा - अ फरगॅाटन सागा' या मराठी चित्रपटात रसिकांना आपल्या समाजाच्या भूतकाळातील विचारसरणीचे दर्शन घडविणार आहे. एकोणिसाव्या शतकातील सती प्रथेवर आधारलेला 'सत्यभामा' हा चित्रपट त्या काळातील वास्तव परिस्थितीवर प्रकाश टाकणारा आहे. मुलांवर आई-वडिलांचं असो, वा आई-वडिलांवर मुलांचं, भावावर बहिणचं असो, वा बहिणीवर भावाचं, प्रेयेसीवर प्रियकराचं असो, वा प्रियकरावर प्रेयेसीचं... अपेक्षा न ठेवता केलं जातं तेच खरं प्रेम... अशाच प्रेमाची अनुभूती देणारा सती प्रथेवर आधारित एकोणिसाव्या शतकातील पार्श्वभूमी असलेला 'सत्यभामा - अ फरगॅाटन सागा' हा आशयप्रधान चित्रपट आपल्या जवळच्या चित्रपटगृहात ८ ऑगस्टला झळकणार आहे. या चित्रपटाचा उत्कंठावर्धक टिझर प्रेक्षकांच्या भेटीला आला आहे. श्री साई सृष्टी फिल्म्स एलएलपी प्रस्तुत 'सत्यभामा - अ फरगॉटन सागा' या चित्रपटाची निर्मिती मनीषा पेखळे, सारंग मनोज, अंकुर सचदेव आणि वीरल दवे यांनी केली आहे. सारंग मनोज आणि अभिजीत झाडगावकर या दिग्दर्शक द्वयींनी 'सत्यभामा'चे दिग्दर्शन केले आहे. पुरुषप्रधान संस्कृतीत स्त्रियांचे झालेले द...

पुण्यातील प्रतिष्ठित बंटारा भवनमध्ये अलीकडेच एक मंत्रमुग्ध करणारा अध्यात्मिक संगीतमय सोहळा साकारला गेला, जेव्हा बहुपरिचित गायक, संगीतकार आणि प्रेरणादायी व्यक्तिमत्त्व अमेय डबली यांनी “कृष्णा: म्युझिक, ब्लिस अ‍ॅन्ड बियॉन्ड” या त्यांच्या अद्वितीय कॉन्सर्ट सिरीजचं पुणे सादरीकरण साजरं केलं. ही सिरीज देशातील सर्वात भव्य आणि हृदयस्पर्शी आध्यात्मिक संगीत यात्रांपैकी एक मानली जाते. या निमित्ताने, पुणेकरांनी भक्ती, संगीत आणि शांती यांचा एकत्रित अनुभव घेतला ते देखील बँडच्या सादरीकरणासह! दोन सत्रांमध्ये पार पडलेल्या या कार्यक्रमात, अमेय डबलींनी श्रोतृवर्गासमोर एक वेगळंच अध्यात्म उभं केलं. जे विधी-नियमांपलीकडे जात, आनंदात, संगतात, आणि सामूहिक ऊर्जेतही सापडतं. पुणेकर रसिक प्रत्येक क्षणी सहभागी होत होते. कुणी ध्यानात मग्न, कुणी कृष्णनामात रंगलेलं, तर कुणी नादब्रह्माच्या लयीत आनंदाने नाचत होतं. या काही तासांमध्ये उपस्थितांनी संपूर्णपणे वर्तमानात जगत, तणाव बाजूला ठेवून शुद्ध आनंद अनुभवल्याचं चित्र स्पष्ट होतं. या कार्यक्रमाच्या निमित्ताने अमेय डबलींनी अध्यात्म आणि त्याच्या व्या...

पुणे: एनव्हायर्नमेंटल क्लब ऑफ इंडिया आणि महाराष्ट्र राज्य प्रदूषण नियंत्रण मंडळ यांच्या वतीने पर्यावरणाच्या क्षेत्रात उल्लेखनीय कामगिरी करणाऱ्या व्यक्तींना दिले जाणारे पुरस्कार जाहीर करण्यात आले आहेत. या पुरस्काराचे वितरण शुक्रवार दिनांक 25 जुलै 2025 रोजी ,सकाळी 11 वाजता, फिरोदिया सभागृह, भांडारकर प्राच्यविद्या संस्था, लॉ कॉलेज रोड, पुणे येथे केले जाणार आहे.या कार्यक्रमाला प्रमुख पाहुणे म्हणून सिद्धेश कदम (अध्यक्ष,महाराष्ट्र प्रदुषण नियंत्रण मंडळ),राजेंद्र मिरजे (उपाध्यक्ष,विश्वेश्वर सहकारी बँक.लि,पुणे) यांच्या सह मान्यवर उपस्थित राहणार आहेत.अशी माहिती क्लबचे अध्यक्ष आमोद घमंडे, सचिव गणेश शिरोडे आणि खजिनदार सचिन पाटील यांनी पत्रकार परिषदेत दिली.  एनव्हायर्नमेंटल क्लब ऑफ इंडिया आणि महाराष्ट्र राज्य प्रदूषण नियंत्रण मंडळ यांच्या संयुक्त विद्यमाने दरवर्षी पर्यावरण क्षेत्रात उल्लेखनीय कामगिरी करणाऱ्या व्यक्तींचा ‘पर्यावरण जीवनगौरव’, ‘पर्यावरण भूषण’ आणि ‘पर्यावरण गौरव’ पुरस्कार देऊन सन्मान केला जातो. यंदाचे 17 वे वर्ष आहे. यावर्षी कोल्हापूर,शिरोळ येथील श्री दत्त ...

सोनी एंटरटेनमेंट टेलिव्हिजनवरील लोकप्रिय मालिका- ‘बडे अच्छे लगते है- नया सीझन’ च्या नव्या प्रोमोमध्ये प्रेम, तळमळ आणि मोठा ट्विस्ट यावर भर देण्यात आला आहे. एका अत्यंत रोमहर्षक क्षणाला भाग्यश्री (शिवांगी जोशीने साकारलेले पात्र) अखेर ऋषभ (हर्षद चोप्रा) कडे तिच्या भावना व्यक्त करण्याचे धैर्य कत्रित करते. पण पुढे जे घडते, ते अपेक्षेपेक्षा पूर्ण वेगळे असते. एक सुंदर प्रेमकथा सुरु होणार आहे, असे वाटते तेव्हाच प्रोमो एका आश्चर्यकारक वळणाचा संकेत देतो. भाग्यश्री अत्यंत प्रामाणिकपणे तिचे मन मोकळे करते. पण ऋषभ पूर्णपणे वेगळ्या दिशेने वाटचाल करताना दिसतो. त्याच्या शांततेत आणखी काही दडलेलं आहे का? तो जे लपवत आहे, त्यामुळे सगळी परिस्थिती बदलू शकते का? जसजशा भावना तीव्र होत जातात, तसे अनपेक्षित खुलासे समोर येत आहेत. बडे अच्छे लगते है- नया सीझन एका रोमहर्षक आणि भावनिक वळणासाठी पार्श्वभूमी तयार करत आहे. पण या सर्वात मोठा प्रश्न असा की, नशीबाचे खेळ सुरु होतात, तेव्हा प्रेम टिकू शकेल का? प्रोमो लिंक: https://www.instagram.com/reel/DL_2taBPqon/?igsh=Z2xya3k0Mjg2b2J3 पहा.. बडे अच्छे लगते है.. ...

सोनी एन्टरटेन्मेंट टेलिव्हिजनवरील ‘सुपर डान्सर’ या त्यांनीच विकसित केलेल्या डान्स रियालिटी शो चे चार वर्षांच्या विश्रांतीनंतर आता दणक्यात पुनरागमन होत आहे. हे सत्र विशेष असणार आहे कारण त्यातील 12 स्पर्धक केवळ असामान्य डान्सर नाहीत तर सोशल मीडियावर त्यांचे प्रचंड संख्येत फॉलोअर्स आहेत. आपल्या व्हायरल डान्स मूव्ह्ज द्वारे इंटरनेटवर धमाल उडवून देणारे हे छोटे उस्ताद आता एका नवीन आव्हानाला तोंड देणार आहेत. आपल्या प्रतिभेच्या बळावर मंचावर लाईव्ह परफॉर्म करून परीक्षक आणि प्रेक्षक यांचे मन जिंकून घेण्याचे आव्हान आता त्यांच्यापुढे आहे. शिल्पा शेट्टी म्हणते, “या प्रत्येकाची शैली अनोखी आहे. ते सगळे अष्टपैलू आहेत. त्यांच्यात प्रचंड आत्मविश्वास आहे. आणि सोशल मीडियावर अनेक चाहत्यांचा पाठिंबा त्यांना आहे. ‘इंटरनेटने ज्यांना बनवले स्टार, आता सुपर डान्सरचा मंच बनवेल त्यांना सुपरस्टार’ या उद्गारांमध्ये या सीझनचे सार योग्य रीतीने व्यक्त झाले आहे. अनेक लोकांप्रमाणे मी देखील इंटरनेटवर त्यांचे परफॉर्मन्सचे पाहिले आहेत, त्याचा आनंद घेतला आहे. पण सुपर डान्सरच्या भव्य मंचावर त्यांना एकमेकांशी स्पर्...

पुणे: भारत देश आज जगातील तिसऱ्या क्रमांकाची अर्थव्यवस्था होण्याच्या मार्गावर आहे, कारण आपल्या देशाचा विकासाचा वेग वाढला आहे, यामध्ये मोठ्या प्रकल्पांचा महत्त्वपूर्ण वाटा आहे. आपल्याकडे इंग्रजांनी बांधलेल्या वास्तू, पूल आजही अनेक ठिकाणी सुस्थितीत असल्याचे दिसते मात्र आपण चाळीस वर्षांपूर्वी केलेल्या कामाचे पुनर्निर्माण करण्याची आवश्यकता निर्माण झाली आहे हे का होत आहे याचा विचार करण्याची गरज आहे. आज पर्यावरणपूरक शाश्वत विकास आणि आपत्ती रोधक बांधकामे काळाची गरज असल्याचे मत उपमुख्यमंत्री अजित पवार यांनी व्यक्त केले. भांडारकर प्राच्यविद्या संशोधन संस्थेच्या सभागृहात रविवारी प्रोफेशनल स्ट्रक्चरल इंजिनिअर्स असोसिएशन या संस्थेचे उद्घाटन उपमुख्यमंत्री अजित पवार यांच्या हस्ते करण्यात आले यावेळी ते बोलत होते. या प्रसंगी संस्थेचे अध्यक्ष शेषराव कदम, सचिव अजय कदम, कोषाध्यक्ष अजय ताम्हणकर, नारायण कोचक, अशोक मोरे, विरेद्र चव्हाण, नितीन लाळे, अंशुमन भिडे आदी मान्यवर उपस्थित होते. पुढे बोलताना उपमुख्यमंत्री अजित पवार म्हणाले स्ट्रक्चरल इंजिनिअर्स चे काम अतिशय महत्त्वपूर्ण आहे, संस्थेची स्थाप...

पिंपरी : मराठी चित्रपटाच्या प्रमोशनसाठी विविध कार्यक्रम किंवा उपक्रम राबवले जातात. पण पहिल्यांदाच चित्रपटाच्या टीमकडून संबंधित चित्रपट ज्या विषयावर भाष्य करणारा आहे, त्यावर थेट जनजागृती करण्यासाठी पथनाट्य सादर करण्यात येत आहे. निमित्त आहे लवकरच प्रदर्शित होणाऱ्या ‘अवकारीका’ या चित्रपटाचे. नेहरू नगर पिंपरी येथे शनिवारी ही जनजागृती करण्यात आली. पर्यावरण संवर्धन आणि मानवी आरोग्याच्या दृष्टीने अत्यंत महत्वाचा स्वच्छता हा विषय घेऊन रेडबड मोशन पिक्चर्स द्वारा ‘अवकारीका’ हा चित्रपट १ ऑगस्ट रोजी प्रेक्षकांच्या भेटीला येणार आहे. स्वच्छता केवळ घर किंवा परिसराची नाही तर मनामनातील स्वच्छता दूर करण्याचा संदेश देत आणि स्वच्छतेचा वसा प्रत्येकाच्या मनामनांमध्ये ठवसणारा हा चित्रपट प्रेक्षकांना आवडल्याशिवाय राहणार नाही. या सिनेमात एकीकडे स्वच्छतेचे महत्व तर अधोरेखित केलेच आहे, परंतु स्वच्छतेच्या प्रक्रियेतील महत्वाचा दुवा असणाऱ्या स्वच्छता कर्मचाऱ्यांच्या संघर्षाची गाथा अत्यंत ज्वलंत पद्धतीने मांडली आहे. त्यामुळे हा सिनेमा प्रेक्षकांमध्ये स्वच्छतेविषयी एक परिवर्तनवादी दृष्टिकोन तयार करेल, अस...