आपलं मराठी

२०१५ ला प्रदर्शित झालेल्या ‘ख्वाडा’ या चित्रपटासाठी पहिल्याच प्रयत्नात राष्ट्रीय पुरस्कारावर नाव कोरण्यात दिग्दर्शक भाऊराव कऱ्हाडे यशस्वी झाले. 'ख्वाडा', 'बबन', 'टीडीएम' अशा वास्तववादी धाटणीच्या चित्रपटांमधून आपलं वेगळेपण दाखवून देणारे भाऊराव कऱ्हाडे नवीन कोणता चित्रपट घेऊन येणार? ही उत्सुकता प्रेक्षकांना होतीच. या उत्सुकतेवरचा पडदा नुकताच उघडला आहे. इतिहासात दडलेल्या शौर्याचं तळपतं पान ते आपल्या चित्रपटातून उलगडणार आहेत. आपल्या आगामी ‘फकिरा’ या चित्रपटाची घोषणा दिग्दर्शक भाऊराव कऱ्हाडे यांनी नुकतीच केली. मराठी साहित्य विश्वात मानाचं स्थान असलेल्या साहित्यरत्न अण्णाभाऊ साठे यांच्या ‘फकिरा’ या अप्रतिम कादंबरीवरचा चित्रपट ते घेऊन येत आहेत. विषय आणि सादरीकरणाच्या कक्षा रुंदावणाऱ्या या भव्य चित्रपटातून मराठी चित्रपटसृष्टीतील मोठी कलाकार मंडळी दिसणार आहेत. नाना पाटेकर, सयाजी शिंदे, प्रसाद ओक, मृणाल  कुलकर्णी, मकरंद देशपांडे, मुक्ता बर्वे, नागेश भोसले, संदीप पाठक, कमलेश सावंत, किरण माने असे दिग्गज चेहरे चित्रपटात दिसणार आहेत. रुद्रा ग्रुप आणि च...

कथा, कादंबऱ्या यापेक्षा आजच्या पिढीवर चित्रपटांचा प्रभाव खूप मोठा आहे. भारतीय समाजाचे मन चित्रपटसृष्टीने घडविले आहे असे म्हटले तर वावगे ठरणार नाही.आज समाजात दुही निर्माण करणे, महापुरुषांना जातीच्या आधारावर विभक्त करण्याच्या काळात छत्रपती शिवाजी महाराज आणि डॉ. बाबासाहेब आंबेडकर यांच्या कार्याचा आढावा घेणारे शौर्यगीत असलेला ' आभाळ ' हा मराठी चित्रपट समाजाला जोडण्याचे काम करेल असे मत ज्येष्ठ इतिहास संशोधक श्रीमंत कोकाटे यांनी शनिवारी व्यक्त केले.  'युगांतर फिल्म्स प्रा. लि.' निर्मित व पांडव एंटरप्रायजेस प्रस्तुत 'आभाळ' या मराठी चित्रपट निर्मितीची घोषणा आणि याच चित्रपटातील शिवशक्ती- भीमशक्तीतील सामर्थ्य प्रकट करणारं शौर्यगीत प्रकाशन सोहळा पुणे श्रमिक पत्रकार भवन येथे पार पडला यावेळी श्रीमंत कोकाटे बोलत होते. यावेळी चित्रपटाचे निर्माते डॉ. प्रमोद अंबाळकर, अखिल भारतीय मराठी चित्रपट महामंडळाचे अध्यक्ष मेघराज राजेभोसले, चित्रपटाचे दिग्दर्शक रवी रोकडे, पटकथा व संवाद लेखक राज काझी आदी मान्यवर उपस्थित होते. आज प्रकाशित करण्यात आलेले गीत शुभम तालेवार यांनी लिहि...

‘सजन घर आओ रे’ या गाण्याच्या यशानंतर ‘श्रीनिवास कुलकर्णी प्रॉडक्शन’ प्रस्तुत ‘हा तू…ती तू’ हे रोमॅंटीक गाणं नुकतचं प्रदर्शित झालं आहे. प्रेम आणि भावनांच्या अविस्मरणीय प्रवासाचे दर्शन या गाण्यात दिसून येते. अभिनेता वैभव लामतुरे आणि अभिनेत्री सुवर्णा दराडे ही सुंदर जोडी या गाण्यात एकत्र दिसणार आहे. राहूल झेंडे यांनी गाण्याच दिग्दर्शन व संकलन अशी दुहेरी जबाबदारी पार पाडली आहे तर छायाचित्रण शुभम धूम यांनी केलं आहे. गायक अभिमन्यू कार्लेकर याने मधाळ आवाजात हे गाणं गायलं आहे व संगीतबद्ध देखील केलं आहे. तर गाण्याचे बोल सागर बाबानगर यांनी लिहीले आहे. शिवाय मेकअप सुरेश कुंभार, सह दिग्दर्शन संदीप बोडके, क्रिएटिव्ह प्रोडूसर आणि कॉस्ट्यूम रचना रघुनाथ यांनी केले आहे. या गाण्याची खासियत म्हणजे या गाण्याचं चित्रीकरण निसर्गरम्य कोकणातील नांदगावमधील पौड गावात झालं आहे.     निर्माते श्रीनिवास कुलकर्णी गाण्याविषयी सांगतात, ‘हा तू…ती तू’ या गाण्याचे कथानक एका भावनिक प्रेम त्रिकोणाभोवती फिरते. ज्यात गावातील एक तरुण युवक आणि त्याची बहिण तसेच एक तरूण युवती यांच्याभोवती फ...

या शनिवारी, सोनी एन्टरटेन्मेंट टेलिव्हिजनवरील ‘मॅडनेस मचाएंगे इंडिया को हसाएंगे’ या कॉमेडी शोच्या आणखी एका धमाल भागात प्रसिद्ध रेसलर द ग्रेट खलीचे स्वागत करण्यात येणार आहे. ‘मॅडनेस की मालकीन’ हुमा कुरेशीच्या उपस्थितीत या शोमधले कसलेले विनोदवीर आपल्या अतरंगी विनोदाने प्रेक्षकांना भरपूर हसवतील. होस्ट हर्ष गुजरालच्या स्टँड अप अॅक्टमध्ये ‘माता’ हा सगळ्यांचा जिव्हाळ्याचा विषय असेल. विनोदी अंगाने सादर केलेल्या या विषयात आईच्या प्रेमातला अतिरेक, सतत टोकण्याची सवय वगैरे हमखास दिसणाऱ्या गोष्टींवर रोख असेल. हा अॅक्ट प्रेक्षकांचे नक्कीच भरपूर मनोरंजन करेल. ‘मोटिव्हेशनल एअरलाईन्स’ नावाच्या गॅगमध्ये परितोष त्रिपाठी आणि हेमांगी कवी एअरलाइनच्या क्रूच्या रूपात आणि केतन सिंह एका उत्साही मोटिव्हेशनल स्पीकरच्या रूपात प्रेक्षकांना एक हास्य-सफर घडवून आणतील. यात मोटिव्हेशनल स्पीकर्स आणि एअरलाइनमधल्या प्रवासाचे व्यंगात्मक रूप दाखवले जाईल. ‘ऑनेस्ट इंटरव्ह्यु’ या अॅक्टमध्ये कुशल बद्रिके आणि केतन सिंह अनुक्रमे उमेदवार आणि मुलाखतकार यांच्या भूमिकांमध्ये दिसतील. अगदी सामान्य, क्षुल्लक प्रश्नोत्तरांच्...

संगीतविश्वातील एक मोठे नाव म्हणजे सुधीर फडके. स्वरगंधर्व सुधीर फडके म्हणजेच 'बाबूजी' यांच्या 'गीतरामायण' या अद्भुत निर्मितीस ६९ वर्षे पूर्ण झाली असून या ऐतिहासिक दिवसाचं औचित्य साधत रिडिफाईन प्रॉडक्शन्सने पुण्यात 'स्वरगंधर्व सुधीर फडके' या चित्रपटाच्या प्रमोशनचा भाग म्हणून एका अनोख्या कार्यक्रमाचे आयोजन केले होते. या कार्यक्रमात श्रीधर फडके, आनंद माडगुळकर ही सुधीर फडके, ग. दि. माडगुळकर यांची पुढील पिढी, आकाशवाणी पुणे केंद्राच्या काही सन्माननीय व्यक्ती, 'स्वरगंधर्व सुधीर फडके' चित्रपटाचे प्रस्तुतकर्ते सौरभ गाडगीळ, लेखक, दिग्दर्शक, निर्माते योगेश देशपांडे, कलाकार सुनील बर्वे, मृण्मयी देशपांडे, सागर तळाशीकर, मिलिंद फाटक, आदिश वैद्य, सुखदा खांडकेकर, अपूर्वा मोडक, अविनाश नारकर, धीरेश जोशी, परितोष प्रधान उपस्थित होते. यावेळी या मान्यवरांसोबत गप्पांची मैफलही रंगली. या कार्यक्रमादरम्यान 'स्वरगंधर्व सुधीर फडके' या चित्रपटाच्या २० फूट उंच अशा भव्य पोस्टरचे अनावरणही करण्यात आले. या पोस्टरवर चित्रपटातील सगळ्या नामांकित व्यक्तिरेखा झळकल्या आहेत. य...